இலங்கை கடற்படையால் சிறைபிடிக்கப்பட்ட 9 மீனவர்களை விடுதலை செய்யக்கோரி, ராமேஸ்வரம் மீனவர்கள் காலவரையற்ற வேலைநிறுத்தத்தில் ஈடுபட்டுள்ளனர்.
ராமேஸ்வரம் மீன்பிடி துறைமுகத்தில் இருந்து கடந்த சனிக்கிழமை விசைப்படகில் மீன்பிடிக்கச் சென்ற 9 மீனவர்களை, எல்லை தாண்டி மீன்பிடித்ததாகக்கூறி இலங்கை கடற்படையினர் கைது செய்தனர். அவர்கள் அனைவரையும் வரும் 16ம் தேதி வரை சிறையில் அடைக்க அந்நாட்டு நீதிமன்றம் உத்தரவிட்டுள்ளது. இந்நிலையில், 9 மீனவர்களை உடனடியாக விடுதலை செய்ய வலியுறுத்தியும், சேதமடைந்த படகுகளுக்கு நிவாரணம் கோரியும் ராமேஸ்வரம் மீனவர்கள் காலவரையற்ற வேலைநிறுத்தப் போராட்டத்தில் ஈடுபட்டுள்ளனர். இதனால் 600-க்கும் மேற்பட்ட விசைப்படகுகள் கடலுக்குச் செல்லாமல் துறைமுகத்திலேயே முடங்கியுள்ளன.
