மே.வங்கத்தின் நந்திகிராம், ரெஜி நகர் தொகுதி இடைத்தேர்தல்; பாஜக அபார வெற்றி

மேற்கு வங்க மாநிலத்தில் ரெஜி நகர் மற்றும் நந்திகிராம் ஆகிய இரண்டு சட்டமன்றத் தொகுதிகளிலும் பாஜக வேட்பாளர்கள் அமோக வெற்றி பெற்றுள்ளனர்.

ரெஜிநகர் தொகுதியில் பாஜக வேட்பாளர் சங்கராவ் சர்கார் ஒரு லட்சத்து 29 ஆயிரத்து 914 வாக்குகள் பெற்று, 75 ஆயிரத்து 816 வாக்குகள் வித்தியாசத்தில் வெற்றி பெற்றார்.

ஆம் ஜனதா உன்னாயன் கட்சி வேட்பாளர் குலாம் நபி ஆசாத், 54 ஆயிரத்து 98 வாக்குகளுடன் இரண்டாம் இடம் பிடித்து தோல்வியடைந்தார்.

காங்கிரஸ் வேட்பாளர் அப்துல்லாஹில் கஃபி 6 ஆயிரத்து 168 வாக்குகளையும்,

மம்தா திரினாமுல் காங்கிரஸ் வேட்பாளர் வெறும் மூவாயிரத்து 847 வாக்குகளையுமே பெற்றனர்.

இதே போன்று நந்திகிராம் தொகுதியில், பாஜக வேட்பாளர் ஹசிராணி ராத், ஒரு லட்சத்து 64 ஆயிரத்து 427 வாக்குகள் பெற்று, ஒரு லட்சத்து 22 ஆயிரத்து 753 வாக்குகள் வித்தியாசத்தில் வரலாற்று வெற்றியை பதிவு செய்துள்ளார்.

அவரை எதிர்த்து போட்டியிட்ட மம்தா பானர்ஜியின் ஆதரவு பெற்ற காங்கிரஸ் வேட்பாளர் மிலன் பிரதான் 41 ஆயிரத்து 674 வாக்குகளை பெற்று தோல்வியடைந்தார்.

கம்யூனிஸ்ட் கட்சி வேட்பாளர் சாந்திகோபால் கிரி 5 ஆயிரத்து 779 வாக்குகளை மட்டுமே பெற்று மூன்றாம் இடம் பிடித்தார்.