ரேஷன் கடைகளில் வழங்கப்படும் துவரம் பருப்பின் கொள்முதல் விலையை தவெக அரசு குறைத்து உள்ளதால் அரசுக்கு 187 கோடி ரூபாய் மிச்சமாகியுள்ளது தெரியவந்துள்ளது.
அனைத்து ரேஷன் கடைகளிலும் வழங்கப்படும் துவரம் பருப்பை தமிழக அரசு தலா 30 ரூபாய்க்கு மானிய விலையில் பொதுமக்களுக்கு வழங்கி வருகிறது.
இதற்கான வெளிப்படையான டெண்டரை வெளியிட்ட தவெக அரசு தற்போது ஒருகிலோ பருப்பு 77 ரூபாய் 89 காசுகளுக்கு வாங்கப்படுகிறது என்பதையும்
முந்தைய திமுக ஆட்சியில் ஒருகிலோ துவரம் பருப்பு 109 ரூபாய் 15 காசுகளுக்கும் வாங்கப்பட்டதையும் அம்பலப்படுத்தியுள்ளது.
தவெக ஆட்சி அமைத்த நாளில் இருந்து தற்போது வரை ஒருகிலோ துவரம் பருப்புக்கு 31 ரூபாய் குறைத்து கொள்முதல் செய்யப்பட்டதால் அரசுக்கு 187 கோடியே 56 லட்ச ரூபாய் சேமிக்கப்பட்டுள்ளது.
கடந்த ஜுலை முதல் கடந்த செப்டம்பர் மாதம் வரை தமிழக அரசு 60 ஆயிரம் டன் துவரம் பருப்பை கொள்முதல் செய்ய 467 கோடியே 34 லட்ச ரூபாயை செலவிட்டதும், திமுக ஆட்சியில் மூன்று மாதத்திற்கான கொள்முதல் விலையாக 654.9 கோடி ரூபாய் செலுத்தி வந்ததும் தெரிய வந்துள்ளது.
