நிலவை குறித்து ஆய்வு மேற்கொள்வதற்காக சந்திராயன்-3 விண்கலத்தை இஸ்ரோ வடிவமைத்துள்ளது. கடந்த 2008 மற்றும் 2019ஆம் ஆண்டில் சந்திரயான்-1 மற்றும் சந்திரயான்-2 விண்ணில் செலுத்தபட்டது. அதனைத் தொடர்ந்து சந்திராயன் -3 விண்கலம் உருவாக்கும் பணிகளை இஸ்ரோ மேற்கொண்டது.
சந்திரயான்-3 விண்கலம் சுமார் ரூ.615 கோடியில் வடிவமைத்துள்ளது. இந்த விண்கலம் எல்விஎம்-3 ராக்கெட் மூலம் ஸ்ரீஹரிகோட்டாவில் உள்ள ஏவுதளத்தில் இருந்து இன்று மதியம் 2.35 மணிக்கு விண்ணில் வெற்றிகரமாக ஏவப்பட்டது.
சந்திரயான்-3 விண்கலம் 3,900 கிலோ எடை கொண்டது. இதில் 7 வகையான ஆய்வுக் கருவிகள் பொருத்தப்பட்டுள்ளன. ஏற்கெனவே ஆர்பிட்டர் நிலவைச் சுற்றி வருவதால், இந்த முறை லேண்டர் மற்றும் ரோவர் கலன்கள் மட்டும் அனுப்பப்படுகின்றன. ரோவர் கலன்கள் 14 நாட்கள் நிலவில் ஆய்வு மேற்கொள்ளும்.
LVM3 M4/Chandrayaan-3 Mission:
LVM3 M4 vehicle🚀 successfully launched Chandrayaan-3🛰️ into orbit.— ISRO (@isro) July 14, 2023
எல்விஎம்-3 ராக்கெட் ஏவிய 15 நிமிடத்தில் சுமார் 180 கிலோ மீட்டர் உயரத்திற்கு செல்லும். மணிக்கு 37 ஆயிரத்து 80 கிலோ மீட்டர் வேகத்தில் ராக்கெட் சென்றது. 20 நாட்கள் கடந்த பின்னர் சுமார் 3,84,000 கிலோ மீட்டர் உயரே செல்லும். பின்னர் சுமார் 40 நாட்கள் கடந்த பின்னர் நிலவை 100 கிலோ மீட்டர் உயர வட்டப்பாதையில் விண்கலம் சுற்றி வரும். பின்னர் விண்கலத்தின் வேகம் குறைக்கப்பட்டு நிலவில் மெல்ல மெல்ல தரையிறக்கப்படும். சரியாக சொல்லப்போனால் ஆகஸ்ட் 23 அன்று தான் விண்கலம் நிலவில் தரையிறங்கும்.
Chandrayaan-3 scripts a new chapter in India's space odyssey. It soars high, elevating the dreams and ambitions of every Indian. This momentous achievement is a testament to our scientists' relentless dedication. I salute their spirit and ingenuity! https://t.co/gko6fnOUaK
— Narendra Modi (@narendramodi) July 14, 2023
இது வெற்றிகரமாக நிலவின் தென் துருவத்தில் தரையிறங்கினால், தென் துருவத்தில் தரை இறங்கிய முதல் விண்கலம் என்ற பெருமையையும் இது பெறும். அமெரிக்கா, ரஷ்யா, சீனாவை அடுத்து நிலவில் விண்கலத்தைத் தரையிறக்கும் நான்காவது நாடு என்ற பெருமையை இந்தியா பெறும்.
