ராஜஸ்தானில் நடந்த தேர்தல் பிரச்சாரப் பொதுக்கூட்டத்தில் பேசிய பாரதப் பிரதமர் நரேந்திர மோடி காங்கிரஸ் கட்சியின் கவுன் டவுன் தொடங்கி விட்டது என்று கூறியிருக்கிறார்.
ராஜஸ்தான் மாநிலத்தில் வருகிற 15-ம் தேதி சட்டமன்றத் தேர்தல் நடைபெறுகிறது. இதையொட்டி, பா.ஜ.க. சார்பில் நாகவுரில் தேர்தல் பிரச்சாரப் பொதுக்கூட்டம் நடந்தது.
இதில் கலந்துகொண்டு பிரதமர் மோடி பேசுகையில், “காங்கிரஸை அகற்ற வேண்டும், பா.ஜ.க.வை கொண்டு வர வேண்டும் என்பதில் நாகவுர், மார்வார் மக்கள் தெளிவான முடிவில் இருக்கிறார்கள்.
நாம் இப்போதுதான் தீபாவளியைக் கொண்டாடினோம். ஆனால், வருடம் முழுவதும் பெண்கள் வீட்டை நேர்த்தியாக வைத்திருப்பதை நாம் பார்த்திருக்கிறோம்.
தீபாவளிக்கு வீட்டின் மூலை முடுக்கெல்லாம் சுத்தம் செய்கிறார்கள். அதேபோல, இத்தேர்தல்களில் காங்கிரஸ் மூலை முடுக்கில் கூட நிலைத்திருக்காத வகையில் நாமும் சுத்தம் செய்ய வேண்டும்.
ராஜஸ்தானில் இருந்து காங்கிரஸ் விடைபெறுவதற்கான கவுன்ட் டவுன் தொடங்கிவிட்டது. ராஜஸ்தானில் கடந்த 5 ஆண்டுகளில் காங்கிரஸ் துரோகத்தைத் தவிர வேறு எதையும் உங்களுக்குக் கொடுக்கவில்லை.
காங்கிரஸ் உங்களுக்கு தவறான, ஊழல் மற்றும் முறைகேடான ஆட்சியைக் கொடுத்தது. இங்கு சாமானியர்களின் உயிருக்கு பாதுகாப்பு இல்லை.
பெண்களின் கவுரவமும் பாதுகாப்பாக இல்லை. அந்த நிலைக்கு ராஜஸ்தானை காங்கிரஸ் கொண்டு வந்திருக்கிறது. ஆனால், சரஸ்வதி ஒரு நாளைக்கு ஒரு முறை அல்லது இரண்டு முறை உங்கள் நாக்கில் வரும். நீங்கள் உண்மையைப் பேசுகிறீர்கள். சமீபத்தில் உங்கள் ‘மந்திரவாதி’ முதலமைச்சருக்கும் இதேதான் நடந்தது.
ஒரு பொதுக்கூட்டத்தில் தனது வேட்பாளர்கள் மற்றும் எம்.எல்.ஏ.க்கள் நாற்காலியைக் காப்பாற்றுவதில் மும்முரமாக இருந்ததால் அவரால் எதுவும் செய்யவில்லை என்று ஒப்புக்கொண்டார்.
அப்படிப்பட்ட காங்கிரஸால் உங்களுக்கு என்ன செய்யும்? டெல்லி தர்பார் தங்களது கட்சியின் சொந்த முதல்வரின் நாற்காலியை பறிப்பதில் மும்முரமாக இருந்தது.
முதல்வரும் அவர்களை சமாளிப்பதிலேயே மும்முரமாக இருந்தார். ஆகவே, அவர்கள் தாங்களாகவே ராஜஸ்தான் மக்களை விட்டுச் சென்றனர்.
இப்போது தேர்தல் வரும்போது, டெல்லியில் இருந்து முதல்வர், காத்திருப்பு முதல்வர் மற்றும் பிற பெரிய தலைவர்கள் வருகிறார்கள். அவர்கள் ஒளிப்பதிவாளர்களை அழைத்து கைகுலுக்க வைக்கிறார்கள். இது போலி கைகுலுக்கல்.
ராஜஸ்தானில் மொத்தம் 100 முதல்வர்கள் இருந்ததாக மக்கள் கூறுகிறார்கள். ஒவ்வொரு குண்டர்களும், ஒவ்வொரு கலகக்காரர்களும் தங்களை ராஜஸ்தான் முதல்வராகக் காட்டிலும் குறைவானவர்கள் அல்ல என்று கருதினர். ஆனால், நான் உங்களுக்குப் பிடித்ததை செய்கிறேன். இதனால், காங்கிரஸ்காரர்கள் என் மீது கோபத்தில் இருக்கிறார்கள்.
மோடி ஏன் இப்படிச் செய்கிறார்? என்று இரவும் பகலும் என்னை வார்த்தைகளால் திட்டுகிறார்கள். நேற்று காங்கிரஸ் தலைவர் என் தந்தையை தாக்கினார். அவர் இறந்து 40 ஆண்டுகள் ஆகின்றன. ஆனால், அவர் அவரையும் வார்த்தைகளால் திட்டினார். காங்கிரஸுக்கு என்ன நேர்ந்தது? கார்கே நீங்கள் அப்படி இல்லை, உங்களுக்கு என்ன நேர்ந்தது?” என்று பிரதமர் மோடி கூறினார்.
