இந்தியாவில் நடைபெற்று வரும் புரோ கபடி தொடரில், இன்றைய போட்டியில் குஜராத் ஜெயண்ட்ஸ் – ஜெய்ப்பூர் பிங்க் பாந்தர்ஸ் அணிகளும், இரண்டாவது போட்டியில் புனேரி பல்டன்– ஹரியானா ஸ்டீலர்ஸ் அணிகளும் விளையாடவுள்ளன.
இந்தியாவில் உள்ள மாநிலங்களுக்கிடையே கபடி லீக் தொடர் நடைபெற்று வருகிறது. இதில், மொத்தம் 12 அணிகள் பங்குபெற்று விளையாடி வருகின்றன.
இந்த தொடரில், பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்கேற்றுள்ளன.
தற்போது இந்த தொடர் இறுதி கட்டத்தை எட்டியுள்ளது. இந்த தொடரின் லீக் போட்டிகள் வரும் 21 ஆம் தேதியுடன் முடிவடைய போகிறது.
இந்நிலையில் இன்று இரண்டு போட்டிகள் நடைபெற உள்ளது. இதில் முதல் போட்டி இரவு 8 மணிக்கு ஹரியானாவில் நடைபெறவுள்ளது. இதில் குஜராத் ஜெயண்ட்ஸ் – ஜெய்ப்பூர் பிங்க் பாந்தர்ஸ் அணி விளையாடவுள்ளன.
இதில் ஜெய்ப்பூர் பிங்க் பாந்தர்ஸ் அணி புள்ளி பட்டியலில் முதல் இடத்திலும், குஜராத் ஜெயண்ட்ஸ் அணி புள்ளி பட்டியலில் 4வது இடத்திலும் உள்ளன.
இந்த இரு அணிகளும் ஏற்கனவே பிளே ஆப் சுற்றுக்கு தகுதி பெற்றுவிட்டன. இருப்பினும் தனது முதல் இடத்தை தக்க வைக்க ஜெய்ப்பூர் பிங்க் பாந்தர்ஸ் அணி கடுமையாக போராடும் என்பதில் சந்தேகம் இல்லை.
இன்று மற்றொரு போட்டி இரவு 9 மணிக்கு நடைபெறவுள்ளது. இதில் புனேரி பல்டன்– ஹரியானா ஸ்டீலர்ஸ் அணிகள் விளையாடவுள்ளன.
ஹரியானா ஸ்டீலர்ஸ் அணி புள்ளி பட்டியலில் 5வது இடத்திலும், புனேரி பல்டன் அணி புள்ளி பட்டியலில் 2வது இடத்திலும் உள்ளது. இந்த இரு அணிகளும் ஏற்கனவே பிளே ஆப் சுற்றுக்கு தகுதி பெற்றுவிட்டன.
