அக்.4-ம் தேதி செந்தில்பாலாஜி நீதிமன்றத்தில் மீண்டும் ஆஜராக உத்தரவு!

அமலாக்கதுறை வழக்கில் அமைச்சர் செந்தில் பாலாஜி, அக்டோபர் 4-ம் தேதி ஆஜராக சென்னை முதன்மை அமர்வு நீதிமன்றம் உத்தரவிட்டுள்ளது.

சட்டவிரோத பணப் பரிமாற்ற தடைச் சட்ட வழக்கில் கைது செய்யப்பட்ட செந்தில் பாலாஜிக்கு உச்சநீதிமன்றம் ஜாமின் வழங்கியைத் தொடர்ந்து, சிறையிலிருந்து வெளியே வந்தார். இந்நிலையில், சென்னை முதன்மை அமர்வு நீதிமன்றத்தில் இந்த வழக்கு மீண்டும் விசாரணைக்கு வந்தது.

அப்போது சாட்சி விசாரணைக்காக அமைச்சர் செந்தில் பாலாஜி ஆஜரான நிலையில், வழக்கு விசாரணையை அக்டோபர் 14ஆம் தேதிக்கு ஒத்திவைக்க வேண்டுமென அவரது தரப்பில் கோரிக்கை விடுக்கப்பட்டது. இந்த கோரிக்கையை ஏற்க மறுத்த நீதிபதி அக்டோபர் 4-ம் தேதி மீண்டும் ஆஜராக உத்தரவிட்டார்.

மேலும் அரசு தரப்பு சாட்சியான தடய அறிவியல் துறை உதவி இயக்குனர் மணிவண்ணன் ஆஜராகாததால், அக்டோபர் 4 -ம் தேதி, அவரை ஆஜர்படுத்த வாரண்ட் பிறப்பிக்கப்பட்டது.