தமிழகத்தில் புதிதாக கட்சி தொடங்கி அறிமுக தேர்தலிலேயே அதிக வாக்கு சதவீதத்துடன் விஜய்யின் தமிழக வெற்றிக் கழகம் முதலிடத்தை பிடித்து வரலாறு படைத்துள்ளது. தமிழகத்தில் 234 சட்டப்பேரவை தொகுதிகளுக்கு நடநத தேர்தலில்,
100க்கும் மேற்பட்ட தொகுதிகளில் தவெக வென்று ஆட்சியை கைப்பற்றி உள்ளது. குறிப்பாக தவெக தலைவர் விஜய் போட்டியிட்ட பெரம்பூர் மற்றும் திருச்சி கிழக்கு ஆகிய இரு தொகுதிகளிலும் வெற்றி பெற்றார். சுமார் ஒரு கோடிக்கும் அதிகமான வாக்குகளை தவெக பெற்றுள்ளது. 200 தொகுதிகளுக்கும் மேல் வெல்வோம் எனக் கூறிய திமுக கூட்டணி வெறும் 70க்கும் மேற்பட்ட இடங்களை மட்டுமே கைப்பற்றியது. அதேபோல், அதிமுக கூட்டணி 50க்கும் மேற்பட்ட இடங்களை கைப்பற்றியது. எம்.ஜி.ஆர் அதிமுக கட்சி தொடங்கி 1977-ல் நடைபெற்ற சட்டப்பேரவை தேர்தலில் முதன்முறையாக களமிறங்கியபோது 30 புள்ளி 4 சதவீத வாக்குகளை பெற்றார். அதன் பிறகு கடந்த 49 ஆண்டுகளாக எத்தனையோ புதிய கட்சிகள் தேர்தலில் களமிறங்கின. ஆனால் அக்கட்சிகள் 10 சதவீத வாக்குகளைக் கூட எட்டவில்லை. அப்படியிருக்கையில் எம்ஜிஆரின் சாதனையை கட்சி தொடங்கி இரண்டரை ஆண்டுகளில் முதல் தேர்தலில் தகர்த்து தவெக தலைவர் விஜய் வரலாற்று சாதனை படைத்துள்ளார்.
