திமுக கூட்டணியிலிருந்து காங்கிரஸ் விலகியதற்கு கண்டனம் தெரிவித்து திமுக எம்எல்ஏக்கள் கூட்டத்தில் தீர்மானம் நிறைவேற்றப்பட்டது.
சென்னையில் திமுக தலைமை அலுவலகத்தில் நடைபெற்ற எம்எல்ஏக்கள் கூட்டத்தில் காங்கிரஸுக்கு எதிராக தீர்மானம் நிறைவேற்றப்பட்டது.
அதில், சட்டமன்ற தேர்தலின்போது திமுக கூட்டணியில் 28 தொகுதிகளையும், ஒரு மாநிலங்களவை இடத்தையும் பெற்ற காங்கிரஸ், தேர்தல் முடிவிற்கு பின்னர் அணி மாறியது கண்டனத்திற்குரியது என தெரிவிக்கப்பட்டுள்ளது.
தோழமை சக்தியின் காலை வாரி, நட்பு சக்திகளுக்குத் துரோகம் செய்த காங்கிரஸ் கட்சியின் திடீர் மாற்றத்தை வன்மையாக கண்டிப்பதாகவும் தெரிவிக்கப்பட்டுள்ளது.
முதுகில் குத்தி, மாபெரும் துரோகத்தைச் செய்துள்ளது காங்கிரஸ் கட்சி, தனது பழைய குணத்தை மாற்றிக் கொள்ளவில்லை என்பதையே இது வெளிக்காட்டுவதாகவும் தீர்மானத்தில் குறிப்பிடப்பட்டுள்ளது.
