இது போருக்கான காலம் அல்ல என்ற இந்தியாவின் தெளிவான நிலைப்பாட்டிற்கு ஜெலென்ஸ்கி வரவேற்பு தெரிவித்தார்.
உக்ரைனுக்கு பயணம் மேற்கொண்டுள்ள வெளியுறவுத்துறை அமைச்சர் ஜெய்சங்கர், அந்நாட்டு அதிபர் ஜெலென்ஸ்கியை சந்தித்துப் பேச்சுவார்த்தை நடத்தினார். அமைதிக்கான பேச்சுவார்த்தைகளை முன்னெடுக்கும் நோக்கில் இந்த சந்திப்பு நடைபெற்றது.
இச்சந்திப்பின்போது, “இது போருக்கான காலம் அல்ல; அமைதியே உடனடித் தேவை” என்ற இந்தியாவின் நிலைப்பாட்டிற்கு ஜெலென்ஸ்கி வரவேற்பு தெரிவித்தார்.
மேலும், இந்தப் போரை முடிவுக்குக் கொண்டுவர இந்தியா காட்டும் தீவிர ஆர்வத்திற்கும், அமைதி முயற்சிகளுக்கும் உக்ரைன் அரசு தனது நன்றியை தெரிவித்துக் கொள்வதாக குறிப்பிட்டார்.
இதனை தொடர்ந்து செய்தியாளர்களிடம் பேசிய வெளியுறவுத்துறை அமைச்சர் ஜெய்சங்கர், உக்ரைன் – ரஷ்யா போரை முடிவுக்கு கொண்டு வர எந்த வகையிலாவது உதவ முடியுமென்றால், அதற்கு இந்தியா தயாராக உள்ளதாக தெரிவித்தார். போர் 5ஆவது ஆண்டை எட்டியுள்ளதை சுட்டிக்காட்டிய அவர், ரஷ்யாவிடம் இருந்து இந்தியா கச்சா எண்ணெய் வாங்குவதாலோ, வாங்காமல் இருப்பதாலோ இந்த போர் முடிவுக்கு வராது எனவும் கூறினார்.
மாறாக, பேச்சுவார்த்தை மூலம் மட்டுமே இந்த மோதலுக்கு தீர்வு காண முடியும் எனவும் அமைச்சர் ஜெய்சங்கர் தெளிவுபடுத்தினார். இந்திய மாணவர்கள் பலர் உக்ரைனில் படித்து வரும் நிலையில், அவர்களின் பாதுகாப்பை உறுதி செய்து உக்ரைன் அதிகாரிகளுக்கும் அவர் நன்றி தெரிவித்துக்கொண்டார்.
