தாராபுரம், மதுராந்தகம் தொகுதி இடைத்தேர்தல் – அனைத்து ஏற்பாடுகளும் தயார்!

தாராபுரம், மதுராந்தகம் தொகுதிகளுக்கான இடைத்தேர்தல் நாளை நடைபெற உள்ள நிலையில் அதற்கான அனைத்து ஏற்பாடுகளும் தயார் நிலையில் உள்ளன.

தாராபுரம் தொகுதியில் இடைத்தேர்தலுக்கான வாக்குப்பதிவு நாளை 320 வாக்குச்சாவடிகளில் நடைபெறுகிறது.

இதை முன்னிட்டு காப்பறையில் வைக்கப்பட்டுள்ள வாக்குப்பெட்டிகள் தேர்தல் நடத்தும் அலுவலர் பெலிக்ஸ் ராஜா மற்றும் அனைத்து கட்சியினர் முன்னிலையில் சீல் உடைக்கப்பட்டது. பின்னர் துப்பாக்கி ஏந்திய பாதுகாப்புடன் 30 மண்டலங்களுக்கான வாக்குப்பதிவு இயந்திரங்கள் அனைத்து வாக்குச்சாவடிகளுக்கும் அனுப்பி வைக்கப்பட்டன.

இப்பணிகளை காவல்துறையினர், பறக்கும் படையினர், சிறப்பு குழுக்கள் தொடர்ந்து கண்காணித்து வருகின்றன.

இதைப்போல், மதுராந்தகம் தொகுதியிலும் நாளை இடைத்தேர்தல் வாக்குப்பதிவு நடைபெற உள்ள நிலையில் 268 வாக்குச்சாவடிகளும் தொடர் கண்காணிப்பில் உள்ளன. பாதுகாப்பு அறையில் இருந்து EVM மற்றும் VVPAT கருவிகள் பலத்த பாதுகாப்புடன் வாக்குப்பதிவு மையங்களுக்கு அனுப்பப்பட்டன.

இதனை கண்காணிக் குழுவினர் மற்றும் பறக்கும் படையினர் தொடர்ந்து கண்காணித்து வருகின்றனர்.

இதனிடையே தாராபுரம் தொகுதியில் இதுவரை ஒரு கோடியே 38 லட்ச ரூபாய் பறக்கும் படை அதிகாரிகளால் பறிமுதல் செய்யப்பட்டுள்ளதாக தகவல் வெளியாகி உள்ளது.